Шавкат Мирзиёев маҳалла раиси мактабда тарбия ва давомат масалалари ҳамда ота-оналар билан ҳамкорлик қилишга қизиқмаётганини таъкидлади. У, шунингдек, ҳокимлар, ёшлар ва ижтимоий масалага масъул ўринбосарлар мактабда маънавият, спорт тадбирларини ташкил этишга эътиборсиз бўлаётганини қайд этди.
Маҳаллаларнинг бошқарув ходимлари сони солиқчи ва ижтимоий ходим қўшилиши ҳисобига 5 тадан 7 тага кўпайди. Маҳалланинг ўзида 70 дан ортиқ масала, жумладан, моддий ёрдам ва кредитлар ҳал этилади. Тизим эса тўлиқ рақамлаштирилади. Шунингдек, маҳалла раисининг ваколатлари кенгаяди.
Тахиатош туманидаги маҳаллардан бирининг раиси 31 млн сўмдан ортиқ пулни талон-торож қилганликда гумонланмоқда. Унинг бир марталик моддий ёрдам пулларини асоссиз тўлагани аниқланган. Ҳолат юзасидан туман прокуратураси терговга қадар текшириш олиб бормоқда.
Тармоқларда Самарқанд вилояти Пастдарғом туманидаги маҳалла раиси қиморхона очгани айтилган хабар тарқалди. Вилоят маҳалла ва нуронийларни қўллаб-қувватлаш бошқармаси раис ваколати муддатидан олдин тугатилганини маълум қилди.
Бекободда МФЙ раиси маҳалласида яшамайдиган ва муҳтож бўлмаган 26 фуқарога 101,5 млн сўм нафақа тайинлаб, 31,6 млн сўмини тўлаб бергани аниқланди.
Қўшимча имкониятларга эга булиш учун сайтда рўйхатдан ўтинг